LEX er öflug alhliða lögmannsstofa með um 35 lögmenn í sinni þjónustu og á sjötta tug starfsmanna alls. LEX veitir þjónustu á öllum sviðum lögfræðinnar hér heima og erlendis. Meðal viðskiptavina stofunnar eru íslensk og erlend fyrirtæki og bankar, opinberar stofnanir, sveitarfélög og einstaklingar.

Lögmenn stofunnar hafa sérhæft sig á einstökum sviðum lögfræðinnar og búa yfir mikilli þekkingu og reynslu á sínum sérsviðum. LEX hefur verið í forystu hér á landi varðandi sérhæfingu í lögmannsþjónustu með stofnun sérstakra sviða innan stofunnar. Upphaflega með sérstöku skattasviði og nú síðast á sviði auðlinda-, orku- og umhverfisréttar. LEX er meðlimur í Lawyers Associated Worldwide (LAW).

LEX hefur aðsetur í Borgartúni 26 í Reykjavík og Hafnarstræti 94 á Akureyri. Dótturfélag LEX, innheimtuþjónustan Gjaldskil ehf., er einnig til húsa í Borgartúni 26.

Lögmannsstofa LEX á Akureyri og starfsemi hennar er beintengd víðtækri þjónustu LEX í Reykjavík og fjölbreytt sérþekking allra lögmanna LEX er nýtt eftir þörfum í sérhverju verkefni sem skrifstofan á Akureyri annast.

Stjórn LEX skipa Karl Axelsson hrl., formaður stjórnar, Þórunn Guðmundsdóttir hrl., Kristín Edwald hrl. og Ólafur Haraldsson hrl., meðstjórnarmenn. Faglegur framkvæmdastjóri er Heimir Örn Herbertsson hrl. og framkvæmdastjóri er Katrín Jónasdóttir.