LEX lögmannsstofa

Arnar Þór hóf störf hjá LEX að lokinni útskrift frá lagadeild Háskóla Íslands árið 2004. Arnar Þór er einn helsti málflytjandi LEX og hefur flutt vel á fjórða hundrað mál í héraði, fyrir Hæstarétti, og EFTA-dómstólnum, ýmist fyrir opinbera aðila, fyrirtæki eða einstaklinga.

Erla er einn af fremstu sérfræðingum landsins á sviði hugverkaréttar og upplýsingatækniréttar. Hún hefur m.a. séð um gerð samninga um smíði og dreifingu hugbúnaðar og um margvíslega þjónustu á sviði upplýsingatækni, sinnt hagsmunagæslu fyrir fjölmörg fyrirtæki, opinberar stofnanir og einstaklinga um nýtingu hugverka, séð um rekstur fjölda dómsmála vegna brota á höfundarétti og vörumerkjarétti og veitt ráðgjöf til sprotafyrirtækja af ýmsum toga.

Þórhallur Bergmann er lögmaður með leyfi til málflutnings fyrir héraðsdómi. Hann hóf störf hjá LEX 2006 og hefur starfað óslitið hjá félaginu síðan. Þórhallur hefur í störfum sínum á LEX lagt megináherslu á skuldaskilarétt og hefur yfirumsjón með fagsviði LEX á því réttarsviði.

Lára er meðal fremstu sérfræðinga landsins á sviði upplýsingatækniréttar, hugverkaréttar og persónuverndar, auk þess að búa yfir víðtækri reynslu á sviði útboðs- og verktakaréttar, samkeppnisréttar og stjórnsýsluréttar. Lára hefur sinnt ráðgjöf til fjölmargra fyrirtækja, sveitarfélaga og opinberra stofnana um árabil.

Birgir Már Björnsson er hæstaréttarlögmaður með leyfi til málflutnings fyrir héraðsdómi, Landsrétti og Hæstarétti. Birgir lauk BA prófi í lögfræði frá Háskóla Íslands árið 2007 og meistaraprófi frá sama skóla árið 2009. Frá þeim tíma starfaði hann sem lögmaður hjá Acta lögmannsstofu og síðar Megin lögmannsstofu fram til ársins 2011 er hann hóf störf á LEX þar sem hann hefur starfað óslitið síðan.