Orka
Mikilvægi orku og orkuinnviða hefur sjaldan verið mikilvægara en nú. Framboð af orku hefur gríðarlega mikið vægi þegar kemur að samkeppnishæfni þjóðarinnar auk þess sem að nýting á grænum orkuauðlindum landsins er forsenda þeirra orkuskipta sem nú standa yfir.
Sérhæfð þekking og reynsla
Sérfræðingar LEX lögmannstofu, hafa aðstoðað orkufyrirtæki á Íslandi um áratuga skeið við uppbyggingu orkuvera og orkuinnviða. Leyfis- og skipulagsmál geta verið flókin, kaup á orkuauðlindum og fjármögnun mannvirkja getur verið yfirgripsmikil og kallar oft á ólíka sérfræðikunnáttu til að ná yfir verkefnin. Þá eru samningar við viðskiptavini orkufyrirtækja oft flóknir og kalla á sérfræðiþekkingu á orkumálum og rekstrarumhverfi þeirra fyrirtækja sem samið er við.
Á meðal viðskiptavina LEX á undanförnum árum hafa verið flest af stærstu orkufyrirtækjum landsins, sveitarfélög, félög sem sérhæfa sig í föngun kolefnis, stórir orkunotendur auk annarra fyrirtækja af öllum stærðum.
