Lilja Jónasdóttir

Lilja Jónasdóttir hóf störf hjá LEX að loknu lagaprófi frá Háskóla Íslands árið 1989 og hefur starfað hjá félaginu síðan. Lilja varð héraðsdómslögmaður árið 1994 og hæstaréttarlögmaður í nóvember 1999. Lilja er ein af málflytjendum LEX.

Lilja er einn fremsti sérfræðingur landsins í sjó- og flutningarétti og veitir bæði innlendum og erlendum fyrirtækjum lögfræðilega ráðgjöf á því sviði. Þá veitir Lilja ýmsum opinberum stofnunum og fyrirtækjum lögfræðilega ráðgjöf varðandi stjórnsýslurétt og eignarrétt. Hún hefur og sérhæft sig í vátryggingarétti og skaðabótarétti og veitir fyrirtækjum og einstaklingum ráðgjöf á því sviði. Lilja tekur auk þess að sér almenna lögfræðilega þjónustu við stofnanir, fyrirtæki og einstaklinga.