LEX lögmannsstofa

Fanney Frímannsdóttir er lögmaður með leyfi til málflutnings fyrir héraðsdómi. Í störfum sínum á LEX hefur hún lagt megináherslu á félagarétt, fjármögnun fyrirtækja og kaup og sölu fyrirtækja.

Örn er framkvæmdastjóri LEX, með sterka yfirsýn yfir hin ólíku réttarsvið sem LEX veitir ráðgjöf á. Í lögmannstörfum sínu hefur Örn einkum sinnt ráðgjöf við kaup og sölur á fyrirtækjum (M&A) þar sem hann hefur yfir 20 ára starfsreynlu bæði sem lögmaður og fyrirtækjaráðgjafi.

Örn hóf störf á LEX árið 2010 og hefur lengst sinnt stjórnunarstörfum á lögmannstofunni.

Birgir Már Björnsson er hæstaréttarlögmaður með leyfi til málflutnings fyrir héraðsdómi, Landsrétti og Hæstarétti. Birgir lauk BA prófi í lögfræði frá Háskóla Íslands árið 2007 og meistaraprófi frá sama skóla árið 2009. Frá þeim tíma starfaði hann sem lögmaður hjá Acta lögmannsstofu og síðar Megin lögmannsstofu fram til ársins 2011 er hann hóf störf á LEX þar sem hann hefur starfað óslitið síðan.

Erla er einn af fremstu sérfræðingum landsins á sviði hugverkaréttar og upplýsingatækniréttar. Hún hefur m.a. séð um gerð samninga um smíði og dreifingu hugbúnaðar og um margvíslega þjónustu á sviði upplýsingatækni, sinnt hagsmunagæslu fyrir fjölmörg fyrirtæki, opinberar stofnanir og einstaklinga um nýtingu hugverka, séð um rekstur fjölda dómsmála vegna brota á höfundarétti og vörumerkjarétti og veitt ráðgjöf til sprotafyrirtækja af ýmsum toga.

Guðrún Lilja Sigurðardóttir er lögmaður með leyfi til málflutnings fyrir Landsrétti. Í störfum sínum hjá LEX hefur Guðrún Lilja lagt megináherslu á samkeppnisrétt, skattarétt og félagarétt , auk þess sem hún hefur annast verkefni á sviði sjó- og flutningaréttar, samningaréttar, málflutnings og gjaldþrotaréttar, einkum mál er varða riftun og endurheimt verðmæta.