Arnar Þór Stefánsson

Arnar Þór Stefánsson er lögmaður með leyfi til málflutnings fyrir héraðsdómi, Landsrétti og Hæstarétti. Arnar Þór hóf störf hjá LEX að lokinni útskrift frá lagadeild Háskóla Íslands árið 2004. Hann starfaði áður um skamma hríð hjá umboðsmanni Alþingis og var aðstoðarmaður dómara við Hæstarétt Íslands 2006-2007.

Arnar Þór sérhæfir sig í rekstri dómsmála en hefur einnig sérfræðiþekkingu á sviði stjórnsýsluréttar, skipulags- og byggingarlöggjafar, verktakaréttar, opinberra innkaupa, fasteignaréttar, kröfuréttar og vinnuréttar. Þá hefur hann sinnt kennslustörfum við lagadeildir Háskóla Íslands og Háskólans í Reykjavík og ennfremur á námskeiðum til öflunar málflutningsréttinda fyrir héraðsdómi.