LEX lögmannsstofa

Lára er meðal fremstu sérfræðinga landsins á sviði upplýsingatækniréttar, hugverkaréttar og persónuverndar, auk þess að búa yfir víðtækri reynslu á sviði útboðs- og verktakaréttar, samkeppnisréttar og stjórnsýsluréttar. Lára hefur sinnt ráðgjöf til fjölmargra fyrirtækja, sveitarfélaga og opinberra stofnana um árabil.

Kristín hóf störf hjá LEX árið 2002. Kristín er einn af reyndustu málflytjendum landsins fyrir héraðsdómi, Landsrétti og Hæstarétti Íslands. Kristín er meðal fremstu sérfræðinga landsins á sviði vátryggingaréttar og skaðabótaréttar.

Guðjón Ármannsson er lögmaður með leyfi til málflutnings fyrir héraðsdómi, Landsrétti og Hæstarétti. Guðjón hóf störf hjá LEX árið 2007 en starfaði áður hjá óbyggðanefnd.

Guðjón sérhæfir sig í rekstri dómsmála og hefur sérfræðiþekkingu á sviði eignaréttar, auðlindaréttar, skaðabótaréttar, stjórnsýsluréttar, útboðsréttar og skipulags- og byggingarlöggjafar.

Stefán Orri, sem er eigandi á LEX lögmannsstofu, er sérfræðingur í reglum á sviði fjármagnsmarkaða, banka, fjármálaþjónustu og kaupa á sölu fyrirtækja. Með yfir 15 ára reynslu hefur Stefán byggt upp sterka stöðu sem leiðandi ráðgjafi fyrir banka, verðbréfafyrirtæki, rekstraraðila verðbréfasjóða og stór fyrirtæki og fjárfesta sem starfa á fjármálamarkaði á Íslandi.

Birgir Már Björnsson er hæstaréttarlögmaður með leyfi til málflutnings fyrir héraðsdómi, Landsrétti og Hæstarétti. Birgir lauk BA prófi í lögfræði frá Háskóla Íslands árið 2007 og meistaraprófi frá sama skóla árið 2009. Frá þeim tíma starfaði hann sem lögmaður hjá Acta lögmannsstofu og síðar Megin lögmannsstofu fram til ársins 2011 er hann hóf störf á LEX þar sem hann hefur starfað óslitið síðan.