Lára Herborg Ólafsdóttir

Hún hefur m.a. séð um samninga um gerð, dreifingu og kaup á hugbúnaðarkerfum og þróunarsamninga. Hún hefur haft umsjón með fjölmörgum umfangsmiklum lögfræðilegum úttektum á upplýsingatæknikerfum fyrirtækja og opinberra aðila. Þá hefur hún aðstoðað fyrirtæki og stofnanir við reglufylgni við innleiðingu gervigreindarlausna. Lára hefur að auki yfirgripsmikla þekkingu á sviði heilbrigðistækni og hefur aðstoðað mörg fyrirtæki á því sviði.

Á sviði verktaka- og útboðsréttar réttar hefur Lára komið að umfangsmiklum og flóknum verkframkvæmdum og veitt ráðgjöf á öllum stigum verkefna. Hún hefur m.a. veitt ráðgjöf við undirbúning og gerð verksamninga, þá sérstaklega í tengslum við opinber innkaup og stærri verkframkvæmdir. Hún hefur auk þess víðtæka reynslu af greiningu á réttarstöðu aðila við verktafir, kröfur um auka- og viðbótarverk, vanefndir og ágreining um verkframkvæmdir og ábyrgðarskiptingu. Þá hefur Lára reynslu af úrlausn deilumála sem rísa í tengslum við verkframkvæmdir, bæði á samningsstigi og síðar í ferlinu. Lára hefur jafnframt haldið fyrirlestra hérlendis og erlendis á sviði verktaka- og útboðsréttar, auk þess sem hún hefur ritað greinar á sviði útboðsréttar.

Þá sinnir Lára málflutningi fyrir héraðsdómstólum.

Lára hefur að auki skrifað fjölmargar greinar og haldið námskeið og fyrirlestra um lögfræðileg álitaefni í tengslum við net- og upplýsingaöryggi, gervigreind og persónuvernd – bæði fyrir opinbera aðila og fyrirtæki. Lára er aðjúnkt við lagadeild Háskólans í Reykjavík og kennir þar m.a. tækni- og tölvurétt. Lára situr í laganefnd Lögmannafélags Íslands, er varamaður í stjórn Persónuverndar og gegnir stöðu fræðilegs ritstjóra Fons Juris sem er leiðandi bókaútgáfa á sviði lögfræði.

Lára hóf störf á LEX 2019 og varð meðeigandi 2020.