Úrsögn Íslands úr Orkusáttmálanum og áskoranir fjárfesta
Þann 11. maí 2026 tilkynnti umhverfis-, orku- og loftslagsráðuneytið að Ísland hefði formlega sagt sig frá Orkusáttmálanum og var þar m.a. vísað til þeirrar þróunar að ESB og aðildarríki þess hefur sagt upp aðild sinni að sáttmálanum.
Í tilkynningu ráðuneytisins kemur fram að ákvörðunin sé meðal annars tekin í ljósi þess að samningurinn fari ekki lengur saman við stefnu Íslands um orkufullveldi, sjálfsákvörðunarrétt og loftslagsmarkmið.
Fréttatilkynningu umhverfis-, orku- og loftslagsráðuneytisins má finna hér:
Þessi ákvörðun íslenskra stjórnvalda tekur mið af þeim sjónarmiðum sem birtust fyrst í grein Dr. Finns Magnússonar, hæstaréttarlögmanns og eins eigenda LEX lögmannsstofu, þann 10. janúar 2025 en heiti hennar er Orkusáttmálinn og breytt hagsmunamat ríkja. Í greininni voru teknar til umfjöllunar þær miklu breytingar sem átt hafa sér stað í alþjóðlegu viðskiptaumhverfi á undanförnum árum og eru dæmi um breytingar í alþjóðlegum viðskiptum sem fjárfestar verða að horfa til við uppbyggingu og viðhaldi fjárfestinga sinna.
Greinina má finna hér: https://www.timaritlogrettu.is/selecta/Z4GUBhAAACIAkBff
Í greininni er m.a. fjallað um það hvaða áhrif úrsögn ríkja hefur á fjárfestingar sem þegar hafa komið til framkvæmda en vera kann að fjárfestar verði að bregðast við þessari stefnubreytingu til að tryggja stöðu sína til framtíðar.
