Fréttir
LEX mun birta hér öðru hverju fréttir af málefnum stofunnar og starfsmönnum hennar, auk auglýsinga um útgáfu efnis frá LEX
Fréttir
ÚTGÁFA
LEX lögmannsstofa leggur áherslu á að viðskiptavinir njóti þjónustu sérhæfðra starfsmanna eftir því sem viðkomandi verkefni kallar á. Slíkt tryggir ekki aðeins fyrsta flokks ráðgjöf handa viðskiptavinum okkar heldur tryggir það einnig að þjónustan sé eins hagkvæm og kostur er. Þá starfa reyndir málflytjendur fyrir dómsstólum landsins á öllum fagsviðum LEX.
Landsréttur dæmir Orkubúi Vestfjarða í hag
2. mars, 2020Þann 21. febrúar síðastliðinn kvað Landsréttur upp dóm í máli sem Jónas A. Aðalsteinsson, lögmaður hjá LEX, flutti fyrir hönd Orkubús Vestfjarða ohf. gegn Ísafjarðarbæ.
Í málinu krafðist umbjóðandi LEX þess að viðurkennt yrði að allur réttur til virkjunar vatnsafls í Úlfsá í Dagverðardal væri eign Orkubús Vestfjarða, og að samningur milli Ísafjarðarbæjar og AB-fasteigna ehf. um rannsóknar- og virkjunarleyfi í Úlfsá yrði ógiltur.
Byggði krafa Orkubús Vestfjarða á samningi við Ísafjarðarbæ frá 1977 um yfirtöku forvera Orkubúsins á rekstri, eignum og skuldum Rafveitu Ísafjarðar. Með samningnum var afhentur allur réttur til virkjunar vatnsafls, jarðhita og fallvatns sem Ísafjarðarbær eða rafveitan ætti eða kynni að eiga í löndum kaupstaðarins, rafveitunnar eða annars staðar. Náði samningurinn jafnt til þekktra sem óþekktra réttinda.
Ísafjarðarbær krafðist sýknu og hélt því fram að framangreindur samningur hefði hvorki verið í samræmi við ákvæði laga nr. 66/1976 um Orkubú Vestfjarða, né rúmast innan ólögfestra heimilda sveitafélagsins til ráðstöfunar eigna sinna og réttinda. Ekki var fallist á þessi rök Ísafjarðarbæjar og staðfesti Landsréttur dóm héraðsdóms um að viðurkennt væri að allur réttur til virkjunar vatnsafls fallvatns í Úlfsá í Dagverðardal væri eign Orkubús Vestfjarða ohf.
Aftur í fréttasafn