Félagaréttur

Félagaréttur

LEX hefur um langt árabil veitt einstaklingum og fyrirtækjum alhliða ráðgjöf á sviði félagaréttar og hafa lögmenn LEX víðtæka reynslu af slíkri þjónustu. Náið samstarfs lögmanna á sviði félagaréttar við önnur starfssvið, t.d. á sviði skatta- fjármögnunar, samkeppnisréttar og á sviði yfirtaka og samruna tryggir skilvirk vinnubrögð sem setur þarfir viðskiptavina í fyrsta sæti.
LEX hefur byggt upp sterk tengsl við lögmannsstofur á Norðurlöndunum, í Bretlandi, Eystrasaltsríkjunum og Bandaríkjunum. Þær geta veitt viðskiptavinum LEX ráðgjöf um rétt í viðkomandi landi í samvinnu við LEX. Einnig hefur LEX á síðustu árum veitt ráðgjöf við fjölda verkefna í samvinnu við nokkrar af stærstu lögmannsstofum Bretlands.

Helstu verkefni

Meðal þeirrar þjónustu og ráðgjafar sem fyrirtækjasvið LEX veitir eru:

• Ráðgjöf við stofnun félags, val á félagaformi og öll skjala- og samningagerð
• Gerð áreiðanleikakönnunar á félagi þar sem allur lagalegur grundvöllur og staða félags er kannaður
• Ráðgjöf við val á fjármögnun, hækkun og lækkun hlutafjár, lántöku með breytirétti og gerð skráningarlýsinga
• Ráðgjöf við fjárhagslega endurskipulagningu og uppbyggingu fyrirtækjasamstæðna
• Ráðgjöf vegna samruna og/eða yfirtöku félaga
• Skipting og slit félaga og breyting á félagaformi
• Skráning á markað, gerð útgáfulýsinga og samskipti við kauphöll og eftirlitsaðila
• Breytingar á stjórnskipulagi og samþykktum félaga
• Hagsmunagæsla fyrir félög og/eða hluthafa
• Stjórnun hluthafafunda og aðalfunda

Dæmi um viðskiptavini

• Ráðgjöf við kaup NetApp á Greenqloud
• Ráðgjöf við sölu á Gámaþjónustunni
• Ráðgjöf við sölu á meirihluta hlutafjár í Líflandi
• Ráðgjöf við sölu á ráðandi hlut í Arcanum ferðaþjónustu
• Ráðgjöf við kaup Sjávarsýnar á Tandri
• Ráðgjöf við sölu á hlut Glitnis í All Saints
• Ráðgjöf við sölu á hlut Glitnis í Iceland
• Ráðgjöf við sölu á Olís til Haga
• Ráðgjöf vegna kaupa á Skeljungi