Guðjón Ármannsson

Guðjón Ármannsson er lögmaður með leyfi til málflutnings fyrir héraðsdómi, Landsrétti og Hæstarétti. Guðjón hóf störf hjá LEX árið 2007 en starfaði áður hjá óbyggðanefnd.

Guðjón sérhæfir sig í rekstri dómsmála og hefur sérfræðiþekkingu á sviði eignaréttar, auðlindaréttar, skaðabótaréttar, stjórnsýsluréttar og skipulags- og byggingarlöggjafar.

Guðjón er einn helsti málflytjandi LEX og hefur rekið tæplega 80 mál í Hæstarétti Íslands og flutt tæplega tvö hundruð mál fyrir Landsrétti og í héraði. Eru umbjóðendur Guðjóns einstaklingar, fyrirtæki, opinberir aðilar og sveitarfélög.

Meðal þeirra mála sem Guðjón hefur flutt í Hæstarétti eru stór mál á sviði eignarréttar þar sem fallið hafa stefnumarkandi dómar. Mörg þessara mála lúta að ágreiningi um eignarhald lands og deilna um auðlindir á borð við vatns- og veiðiréttindi. Þá gætti Guðjón hagsmuna Kópavogsbæjar í deilum um lögsögumörk sveitarfélaga á höfuðborgarsvæðinu sem lauk með dómi Hæstaréttar 2017. Þá hefur Guðjón flutt fjölda dómsmála er tengjast ágreiningi um jörðina Vatnsenda í Kópavogi.

Guðjón var skipaður varaformaður matsnefndar eignarnámsbóta árið 2019. Þá hefur Guðjón sinnt kennslu í eignarétti við lagadeildir Háskóla Íslands og Háskólann í Reykjavík. Jafnframt hefur Guðjón verið prófdómari með meistararitgerð í lagadeild Háskóla Íslands og var um skeið leiðbeinandi með BA-ritgerðum við sömu lagadeild.

Málflutningsréttindi

• Hæstiréttur
• Landsréttur
• Héraðsdómstólar

Starfsferill

• LEX 2007-
• Óbyggðanefnd 2004-2007

Menntun

• Hæstaréttarlögmaður 2013
• Héraðsdómslögmaður 2007
• Embættispróf frá lagadeild Háskóla Íslands 2005
• Nám við Árósaháskóla 2004
• Stúdentspróf frá Menntaskólanum að Laugarvatni 1998

Erlend tungumál

• Enska